فوائد شرب ماء الورد

يخفّف من آلام المغص.

يسكن آلام الصداع، ويخفض درجة حرارة الجسم.

يعالج أعراض التهاب الحلق وذلك بشرب شاي ماء الورد.

يعمل كمهدئ للأعصاب ويقلل التوتر.

يستخدم كمحلول للمضمضه وذلك لعلاج مشاكل اللثة الملتهبة.

يحافظ على رطوبة الجلد بالتالي يطرّي الجلد ويمنحه مظهر صحّي.

يعالج رائحة الفم الكريهة وذلك لأنّه يساعد في علاج اللثة ولأن رائحته جميلة.

يضفي نضارة على الوجه ويصفي البشرة من البقع.

إذا تم شربه بشكل يومي مع الماء فأنه  يعمل  علي تفتيح البشرة ويفضل شربه على الريق. 

الجزء الاول:

مرووة ...مرووة ....لك وينك بنتي 
اي امي ليكني هون بغرفتي عم ادرس ..
لك بنتي الي ساعة عم اندهلك تعي حكي ابوكي ....
تركت كتابي من ايدي و فتت على غرفة القعدة اي بابا بدك شي ؟ قلي قعدي بدي احكي معك انا و امك قعدت و حسيت الموضوع جدي تابع حديثه قلي اجا شب عندي من يومين عالمحل و طلب ايدك مني و انا سالت عليه و طلع شب ابن حلال و الكل مدح فيه و بعيلته لهيك اليوم بعتله و اجا لعندي و قلتله انو موافقين و اتفقنا على المهر و قرينا الفاتحة و بكرا رح يجي هو و اهلو يشوفوكي و تتفقو على العرس لانو اموره جاهزة و ما رح يطول بالخطبة .....
عمري 15سنة و عم حضر حاليا لامتحانات الشهادة الاعدادية بعد شهر كل همي بانو انجح و جيب معدل شوف حالي فيه و اهلي يفتخرو بنجاحي اما طموحي فكانت انو تابع دراستي و فوت جامعة متل كل بنات جيلي .....
بابا بس انا ما بدي اتزوج هلا و بدي كمل دراسة...
تغيرت ملامحه و احمر وجهه و عصب و قلي كل بنت اخرتها لبيت زوجها ليش لطولي الطريق عليكي و بعدين نحن ما عم ناخد رايك نحن عم نخبرك بس حتى تشيلي راسك من بين هالكتب و تلتفتي لخطيبك و يلي رح يصير زوجك قلتله بس انا ما بعرفه و لا هو و لا اهلو بيعرفوني قلي لا الشب شايفك و مراقبك فترة ليشوف مشيتك و اهلو كمان شافوكي لما كنتي تروحي عالمدرسة و عجبتين قلتلو بس انا بعدني صغيرة ولله هاي بنت خالتي لينا كملت دراستها و فاتت جامعة و بعدين تزوجت و ابوها ما زوجها من لما كان عمرها 15سنة و انا حكيت هالجملة هجم علي و ضربني و قلي وليه بكسر راسك حاطة راسك براس بنت خالتك لينا اصلا انا كل اهل امك ما بيعجبوني ما عارفين يربو اولادن و تاركينن على حل شعرن انا ما عندي بنات تفوت جامعات مختلطة البنت للبيت و بس......
هربت على غرفتي و انا عم ابكي و لحقتني امي قلتلي طولي بالك يا امي ابوكي عقله صعب قلتلها حرام عليكن بدكن تزوجوني بهالعمر لك انا من شهر لبلغت لك عالقليلة ينطر بس لاخد بكالوريا قلتلي اوعى تحكي هالحكي قدامه بيرجع بيضربك انا طول عمري عشت معه ما مبسوطة و متحملة عصبيته و تخلفه و عالطالعة و النازلة بيحكي على اهلي و اخواتي و اولادن و متلك متلي انا تزوجته لابوكي لما كان عمري 14سنة قلتلها ايامكن غير ايامنا مستحيل اقبل مستحيل قلتلي ابوكي قرا فاتحتك و مستحيل يسحب كلمته قومي بنتي غسلي وجهك وساعديني خلينا نبلش بشغل البيت و نشوف شو بدنا نعمل ضيافة لقاسم و اهله .......

كنت عم ساعد امي و انا بدموع عيوني و بعد ما خلصت شغل رجعت كملت دراستي مع انو كنت اشرد عن درسي كل شوي و فكر انو معقول ابوي ما يغير رايه و اذا ما غير رايه انا شو بدي اعمل.....
اجو تاني يوم اهله لقاسم و قاسم يلي كان عمره 36سنة ضخم كتير وملامحه خشنة حسيت حالي جنبه متل الحسناء و الوحش كان يطلع علي بس انا كنت اعمل حالي مو منتبهة و وقت بلشو يحكو بموعد العرس بعد شهر انا طلع صوتي و قلتلن بس لخلص تقديم امتحانات التاسع و بعد بيومين بتعملو العرس كان قاعد ابوي وقت طلع علي هديك النظرة (تعيت ولله لاعرف شغلي معك بس يطلعو الجماعة من هون)و التفت على قاسم ليشوف شو رايه بالموضوع قال قاسم ما في مشكلة 20يوم زيادة ما بأثرو .....
ركزت على دراستي و قدمت امتحاناتي التاسع و بعدها ودعت رفقاتي و انا عم ابكي و هن ما مصدقين انو رح اتزوج ما بس لانو صغيرة و لانو كنت انعم وحدة فين و وجهي طفولي و قربت على رفيقتي المقربة ميس و قلتلها ما تتركيني دخيل الله ضلي تعي لعندي ولله حاسة حالي رايحة عالموت برجلي قلتلي طولي بالك مروة ما تحكي هيك ادعي يكون ابن حلال و الله يسعدك يا رب......
بدات بتجهيزات العرس فورا بعد ما خلصت امتحاناتي و صرت انزل عالسوق كل يوم لجهز حالي و وقت كنا نمر على محل اللانجري كنت قلها لامي مستحيل انا البس هيك قدام رجال غريب بخجل كانت تقلي هيدا ما بقا غريب رح يصير زوجك و قبل عرسي بيوم فاتت امي تفهمني عن ليلة الدخلة و اختصرتها بجملة وحدة نامي و استرخي و الباقي عليه ما كان عندي فكرة كتير عن الباقي يلي امي حكت عنه بس يلي حسيته انو شي بخوف و بوتر و بقيت هديك الليلة قبل عرسي و انا ابكي طول الليل و ما مصدقة اني رح اتزوج و عيش مع رجال و اترك مدرستي و رفقاتي .......

الجزء التاني:

اجا تاني يوم العرس يلي انا بعتبره ابشع يوم بحياتي و كان من المفروض يكون احلى يوم بحياة اي صبية و عم تستناه الا انا كنت متمنية تصير معجزة سماوية و ينلغى العرس بس مشي العرس على خير و فتت على بيت زوجي يلي كنت شايفته سجن و فتت غيرت تيابي و لبست بجامة و طلعت عالمطبخ لحط عشا لحقني قاسم قلي بدك تتعشي هلا لبعدين منتعشى الي اديش ناطر هالليلة قلتلو معلش منتعشى اليوم و منام لانو تعبانين من العرس قلي منتعشى ايه بس انا ما تعبان و ما بدي نام الليلة كملت تحضير عشا انا و متوترة و خايفة و تعشينا و قلي يلا انا سابقك ماطلت كتير بضب العشا و الجلي صار يناديلي مروة يلا بقا تعي لحقته على غرفة النوم و قلتلو معلش قاسم انا تعبانة اليوم خليها لبكرا قلي لا مستحيل اهلي ناطرين المحرمة و عليها علامة انك بنت و اني رجال قلتلو شووو معقول انت كيف بتفكر ؟؟!! شو انت ما متاكد مني قلي هلا منتأكد قلتلو عيب تحكي هالحكي الي هجم علي و قلي اعرفي شو تحكي مع زوجك و مسكني و زتني عالتخت و بلش يشلحني تيابي و انا عم صرخ و قله بعد عني قلتلك ما بدي ....قاسم...لا ..بكفي ....لا. حرام عليك 
..بعد ما خلص قاسم صار معي نزيف حاد انا صرت ابكي و صرخ من وجعي و هو وقف خايف و مخطوف لونه قلي رح روح دق لاهلي و راح حكى اهلو و اجو اخدوني عالمشفى اسعاف قبل ما يتصفى كل دمي و بعد ما اسعفوني بالمشفى و رجعت لوعيي شوي قلتلي الممرضةشو عمرك؟قلتلها 15سنة قلتلي كتير صغيرة كيف متزوجة؟ عنا بالقانون تحت ال 18تعتبر قاصر قلتلها كتب كتاب عند الشيخ بس لسا ما ثبتو بالمحكمة و تابعت حكيها زوجك شو عامل فيكي معقول في رجال هيك لهلا ما بيعرفو ياخدو البنت قلتلها الله يخليكي قليلو انو بدي رياحة شهر قلتلي بطبيعة الاحوال انا رح قله بدك رياحة من غير ما تقليلي ......
تاني يوم طلعت من المشفى و رجعت على بيتي و انا يا دوب قادرة امشي و اول ما وصلت قلتله لقاسم انشالله اهلك شافو علامة شرفي و رجولتك قلي انت السبب و لبكتيني قلتله انت يلي عملته ما اسمه زواج اسمه اغتصاب قلي انت استفزيتيني ......
انا ما كنت بحبه لقاسم بس بعد هالحادثة نفرت منه كتير و موضوع انو يرجع يقرب علي صار تاعبني و موترني كنت ادعي لربي يطول الشهر لانو بعد الشهر رح فوت على جهنم .....
و قبل ما يخلص الشهر بعشرة ايام طلعو نتائجي التاسع و كنت ناجحة و معدلي ممتاز و هالشي زاد تعاستي و حزني اكتر و بنفس اليوم اجا قاسم و قرب علي و انا خفت كتير و بلشت ابكي و قلتله خايفة كتير يرجع يصير معي نفس هديك المرة قلي خلص هالمرة انا رح طول بالي عليكي قلتله معلش نأجلها لبكرا طلع علي بعصبية و قلي ماشي...
تاني يوم الظهر اجا ابوي عندي زيارة لاول مرة فكرت جاي يطل علي او يزورني بس اجا بهدلني و ضربني كف و قلي ليش ما عم تعطي زوجك

حقوقه لايمت بدو يضل صابر انت خزيتيني قدام زوجك بدك يقول عني ما عرفت اربي ما بقا بدوس بيتك و بغضب عليكي اذا بعرف انو زوجك مو رضيان عليكي و انت منقصة عليه و طلع فورا حتى قبل ما يشرب قهوة و انا قعدت ابكي و حسيت حالي وحيدة و كل الدنيا علي .....
بعد ما طلع ابوي من عندي دقيت لرفيقتي ميس و قلتلها تعي لعندي حاسة حالي عم اختنق اجت ميس و شافتني بهالمنظر قلتلي شو صاير معك؟ هيدا ما شكل عروس حكتلها شو صار معي و قلتلي طولي بالك شو بدك تعملي ابوكي من جهة و زوجك من جهة خلص سايري وضعك قلتلها ما عم اقدر اتقبله حتى ريحته ما بطيقها متل الوحش بحسه مستحيل عيش كل عمري معه الموت ارحم يا ميس قلتلي بضل زوجك ارحم من ابوكي اذا عرفتي تكسبيه لصفك و بلكي بخليكي تكفي دراستك بالبيت و تقدمي امتحانات البكالوريا معنا قلتلها مستحيل و لسا سنتين للبكالوريا بموت فين قلتلي ما عندك خيار تاني .....

الجزء التالت:

كيف بدي اكسبه لصفي يا ميس يلي بسمعك بقول انا عندي خبرة بهيك مواضيع؟؟قلتلي و انا ما عندي هالخبرة بس بسمع من اخواتي المتزوجين شوية حكي و كلام انو بضحكو على رجالن لياخدو الشي يلي بدن قلتلها طيب قليلها لوحدة من اخواتك عني بلكي بتجي زيارة لعندي و بتفهمني لانو امي ما حكت شي و بخجل اسال اي حدا عن هيك مواضيع قلتلي ماشي بلكي بجيب اختي سناء معي المرة الجاية هاي اختي روحها مرحة ودارسة ارشاد نفسي و بتحب هيك احاديث.....
اجا قاسم المسا و حطتله الاكل و هو عم يتغدى قلتله اليوم اجا البابا عندي و بهدلني و ضربني كف انت كيف هيك بتروح بتقلو امور خاصة بيناتنا ؟؟قلي لا ما قلتله شي قلتلو ما تكذب شو عرفه لكن و بس قلتلو جملة ما تكذب مسك صفرة الاكل و قلبها على الارض و هجم علي و مسكني من ايدي قلي انا ما كذاب و انت وحدة ما مرباية بس مو الحق عليكي الحق على اهلك يلي زوجوكي ما دام ما بتعرفي شو هو الزواج ليش لتتزوجي؟ صرت ابكي و قلتلو بعد عني انا ما كان بدي اتزوجك و لا بحبك اصلا و ابوي هو يلي غصبني عليك طلع فيني و حسيت عيونو رح يطلعو من محلن بعدين انتبهت انا شو حكيت و قلت هلا رح يروح يقول لابوي هالحكي و يجي ابوي تاني يوم يضربني قمت فورا و هربت على غرفة النوم يا ربي شو بدي اعمل هلا يبلاه لساني بالقطع ولله هالكلمتين يلي حكيتن لاكل ضرب و اتكسر من وراهن رجعت طلعت فورا و لقيته عم يدخن قلتله انا بعتذر قاسم ما بعرف كيف طلع هالحكي مني قلي انا عريس و المفروض كون مبسوط و احلى ايام حياتي بس انا ما شفت يوم حلو معك لهلا و اخر شي توقعته انك ما بتحبيني و انا فكرت هالشي يلي عم تعمليه دلع بنات قلتلو لا ما قصة انو ما بحبك المشكلة ما فيك انا ما كان بدي اتزوج هلا و بدي كفي دراستي اعطيني بس شوية وقت لاتقبل وضعي الجديد قلي اديش يعني بدك وقت النا شهر قلتلو شهر زيادة ما بأثر ......
بعد ما سمع هالحكي قاسم انفصل عني بالمنامة و صار ينام بغرفة القعدة و بعد يومين حكتني رفيقتي ميس قلتلي بكرا جاي اختي سناء لحالها تشرب قهوة عندك الصبح قلتلها اهلا و سهلا فيها بس تعي معها ليش لحالها ؟؟؟قلتلي ما قبلت لانو انا صغيرة على هيك مواضيع بتخص المتزوجين بس و تاني يوم اجت سناء يلي كان عمرها 27سنة و متزوجة من 4سنين و بتحب زوجها و هالشي كان واضح من لمعة عيونها وابتسامتها وقت كانت تحكي عنه و كانت انسانة حكيمة ومقنعة بطريقة غريبة حكتلها كل شي صار معي من اول ما تزوجت لهلا قلتلي غلط على اهلك انو زوجوكي كتير بكير و فرق عمر 21سنة كبير بينك و بين زوجك نحن ميس منشوفها بنت صغيرة لسا اذا ما اخدت مصروفها بتصير تبكي بس انت هلا خلص انحطيت تحت الامر الواقع قلتلها شو اعمل؟! انا ما بحبه و لا قادرة اتقبله قلتلي لنفرض عندك مركب بالبحر و هبت الريح بتصيري تجدفي بالمركب عكس الريح و بتعبي حالك و بضيعي وقتك و طاقتك الا بتوقفي المركب لتهدى الريح و بعدين بتاخدي مركبك للوجهة يلي بدك اياها بسهولة ؟؟ قلتلها طبعا بوقفه و ما بمشيه عكس الريح قلتلي و انت هيك لازم ما تكوني عكس التيار كوني مع التيار و بعدين رح تصيري انت التيار قلتلها ما فهمت كتير وضحي اكتر قلتلي هلا رح قلك كيف تتصرفي مع زوجك و اهلك الحياة ما بالسهولة يلي انت متوقعتيها لازم تكوني قوية و صابرة لتاخدي منها طلبك قلتلي اولا انت غلطي وقت رفضي زوجك ليلة الدخلة و حاولتي تتهربي منه قلتلها انا ما بحبه طيب قلتلي بدك تمثلي انك بتحبيه و يمكن تحبيه مع الزمن و يمكن لا بس انا بنصحك ديري بالك ما تحبلي حاليا حتى ما يصير في اولاد بالنص و انا رح علمك طريقة كيف ما تحبلي فيها و شرحتلي سناء عن الاباضة و موعد الاباضة و اوقات الجماع حتى اتفادى الحمل و بعدين كملت حكيها عن جنس الرجال اجمع و عن فنون الدلع و علمتني طرق كتير و شغلات كتير ما كنت بعرفها من قبل و المفروض مجتمعنا يعمل دورات ثقافية عنها للمقبلين على الزواج قلتلها انا رح حاول اعمل متل ما قلتيلي قلتلي لا ما تحاولي نفذي فورا و انا بصير بجي عندك يوم بالاسبوع لتابع معك تشكرتها كتير و انعجبت بشخصيتها القوية و الجريئة ......
بعد ما طلعت سناء من عندي فتت طبخت و اشتغلت بيتي و بعدها تحممت و لبست فستان قصير و لبست حلق ناعم و تعطرت بعطر الفانيل و تمكيجت مكياج ناعم مع انو ترددت كتير بس غصبت على حالي و رشيت بالبيت ملطف جو و قعدت انطر قاسم و كنت مرتين بدي قوم غسل وجهي و غير تيابي بس كان صدى كلام سناء مسيطر علي .......
اندق الباب بلعت ريقي و استعنت بالله لاقدر اتحكم باعصابي و ملامح وجهي و قمت فتحت الباب قلتله اهلا و سهلا فات و هو عم يطلع فيني من تحت لفوق قلي عفوا شكلي مخربط بالبيت انا😃قلتله شو اسمك ؟؟ قلي قاسم و انت شو اسمك ؟قلتلو انا اسمي مرته لقاسم قلي انا متزوج بس ما بعرف انو عندي هيك مرة ببيتي مرتي بضلها لابسة بجامة و رافعة شعرها كعكة قلتلو اوف الله يعينك عليها 😃 كيف هيك متحملها قلي شو بدنا نعمل منحبا قلتلو فوت فوت على شوي تانية رح صدق فات قاسم على البيت و هو عم يقرأ المعوذات مفكر انو مرته راكبها عشر عفاريت و بعد ما تعشينا سالته اذا عجبه الاكل و شو الاكلات يلي بحبها حتى اتعلم كيف بطبخوها وكيف كان نهاره و طبعا كان علامات التعجب من هالتغيير واضحة عليه لانو بالعادة منتعشى نحن و ساكتين صح انا تغير شكلي من برا و طريقة معاملتي معه بس كل هالشي كان سطحي بس اما جوا بعده متل هو بعد ما جليت العشا عملت قهوة و رحت على غرفة القعدة و قلتلو قاسم خلص ما في داعي تنام بغرفة القعدة ارجع نام جنبي لانو انا بخاف نام لحالي (طبعا كل هالحكي تعليم سناء) .....

الجزء الرابع:

شربنا القهوة و قلتله يلا انا بدي نام و طلعت فيه و ابتسمت و سبقته عالتخت و لحقني ...
كل شي صعب بكون بالبداية بس الوقت هو وحده كفيل بانو يخليكي تتعودي و تتاقلمي مع ظروفك هيك كانت تقلي سناء يلي صارت تجي لعندي مرة كل اسبوعين او تلاتة وانا استمريت اعمل بنصائحها يلي غيرت حياتي للافضل رغم اني احيانا كنت اضعف و قرر انو ما بقا استمر بس كانت هي تقويني و كل شهر كنت فاجئه لقاسم بشي جديد اتعلمه متل ليلة مساج او عشاء رومانسي او سهرة على ضو الشموع و صار يحبني اكتر من قبل اما بالنسبة الي ما تغير شي بمشاعري اتجاهه و يلي تغير بس اني تعودت عليه و بعد سنة من زواجي قررت افتح معه موضوع الدراسة كان عم يتفرج عالتلفزيون وقت قربت عليه و قعدت بحضنه و بلشت حكيي معه بانو بدي اخد دروس انكليزي تقوية لانو حابة حضر حالي هالسنة قبل سنة البكالوريا قلي ليش بدك تقدمي بكالوريا من هلا عم قلك ما في الك فوتة عالجامعة قلتلو ما رح فوت عالجامعة بس بدي اخد شهادة البكالوريا ما بس كرمالي و كرمال اولادنا لاقدر درسن و علمن و حتى تشوف حالك فيني باني مرتك كاملة مكملة قلي طيب منشوف قلتلو معناتا انا رح حكيها للانسة من بكرا تجي تعطيني دروس خصوصي بالبيت و وقت وصلن الخبر لبيت حمايي حماتي بلشت تعبي براس زوجي ليش مرتك بدها تدرس و بكرا بتلتهي عنك و عن بيتها و الها سنة متزوجة ليش لهلا ما حبلت و يلي بعمرك اولادن صارو عم يركضو و طبعا هالحكي كله ما علق براس زوجي غير ليش لهلا مرتك ما حبلت؟بعد يومين رحت انا و اياه عند الدكتورة النسائية لتفحصني و خبرته لزوجي انو كل شي طبيعي و ممكن انو انا ما رح احبل قبل ما طبق ال 18سنة ليكون الرحم متهيئ للحمل ....
بلشت اخد دروس تقوية انكليزي و بعد 5شهور صرت اخد دروس عربي كمان بقيت سنة كاملة حضر لسنة البكالوريا اما ابوي يلي عرف اني عم حضر للبكالوريا حاول يقنع زوجي كتير انو ما يخليني اقدم بكالوريا بس انا كان تأثيري اقوى على زوجي و هيدا كله بفضل سناء يلي ساعدتني بهالموضوع اجت سنة البكالوريا و كثفت دراستي خلال فترة النهار وقت ما يكون موجود قاسم بالبيت اما وقت يجي كنت ضب الكتب بالخزانة و قدمت الامتحانات انا و رفيقتي ميس و نجحت و جبت معدل عالي بأهلني فوت الفرع يلي بدي اياه بس انا كان بدي فرع تربية ارشاد نفسي يلي درسته سناء لانها كانت قدوتي بالرغم من انو ظروفي غير ظروفها .....
بس المشكلة الكبيرة كانت بعد النجاح بانو كيف بدي اقنع زوجي يخليني سجل بالجامعة و هو رافض كليا هالموضوع و حتى بيت حمايي بدن يعارضو هالشي لهيك بلشت مهد للموضوع و نطرته ليجي من الشغل و قلتله اليوم و انا راجعة من عند اهلي شافتني وحدة بتعرفكن بس انا ما بعرفها و قلتلي انت مرته لقاسم قلتلها اي خالته قلتلي الله يهنيه فيكي و نيالو سمعت انك نجحتي و جمعتي مجموع عالي اي فرع ناوية تسجلي بالجامعة؟قلتلها ولله يا خالتو قاسم ما قبلان فوت جامعة قلتلي يوووه حرام بدل ما يشوف حالو فيكي و هو ياخدك بايدو يسجلك الله يهديه يارب قلي كيف شكلها للمرة اعطيتو مواصفات من مخيلتي قلي اي هاي شكلها ام يزن و بعد يومين اجا لقاني عم ابكي و فاتحة مناحة قلي شوفي شو صاير قلتلو رفيقتي ميس قلي شبها قلتلو سجلت بالجامعة وهي معدلها اقل مني مو حرام ولله قاسم الفرع يلي بدي سجله ما بدو دوام كتير بس يومين بالاسبوع عملي و الباقي نظري ما بحضره قلي لااا بدك اهلي يقومو علي قلتله خايف من امك يعني عمرك صار 39سنة و ما بتقدر تاخد قرار الا ما تحسب حساب لامك تركته و مشيت و قعدت اسبوع بالبكا و ما حكيه ابدا حتى وافق و قلي ما تخبري حدا لوقت يعرفو منشوف شو بدنا نعمل......
سجلت جامعة و صرت داوم يومين بالاسبوع عملي و مر جيب محاضرات النظري من المكتبة....الجامعة ما كانت بس ورق و دراسة و دوام كانت عالم كبير تعرفت فيه على ناس كتير و كونت صداقات من مختلف الطوائف و حتى الجنسيات و لقيت بنات متلي متزوجين و حتى عندن اولاد .... الجامعة مرحلة لازم تمر فيها كل صبية لتثقل شخصيتها و تعرف اكتر شو بدها من الدنيا و ترسم صورة لمستقبلها بشكل واضح و بالسنة التانية حبلت من قاسم مع انو كنت اخدة احتياطاتي كاملة بس ابني عبودة الو نصيب يجي على الدنيا و كملت جامعتي و كنت حط ابني عند امي وقت روح على الدوام و الامتحانات و اخر سنة الي بالجامعة توفى ابوي الله يرحمه و يغفرله شو كان قاسي علي و دمرلي حياتي.....

بعد وفاة ابي بشهرين رحت لعند امي و قلتلها بدي احكي معك بموضوع قلتلي تفضلي قلتلها بدي اطلق قلتلي شوووو ابوكي مات من شهرين و هلا جاي تقليلي انت بدك تطلقي ليش؟قلتلها انا ما بحبه لقاسم و حاولت حبه طول هالسنين و ما قدرت قلتلي قاسم شاب منيح و مشي متل ما بدك خلاكي تقدمي بكالوريا و تفوتي جامعة ما قصر معك ابدا قلتلها بس انا ما بحبه و ابوي يلي غصبني عليه مات هلا قلتلي المطلقة صعب تعيش بمجتمعنا و فرصها قليلة قلتلها بعد هالشي يلي مريت فيه ما في شي صعب علي و انا مقررة خلص ...
رجعت على بيتي و نطرت قاسم المسا و خبرته بقراري قلي تطلقي؟؟مروة انت عارفة حالك شو عم تحكي؟ليش شو شفتي مني حتى تطلقي بشو قصرت عليكي ؟عملتلك كل شي بدك اياه قلتلو قاسم انت شاب ما في منك بس انا ما حبيتك قلي بعد هالسنين كلها و بعد ما صار عنا ولد جاي تقليلي ما حبيتيني طب انا حبيتك و تعلقت فيكي و ما بتخيل حياتي بدونك و العشرة يلي بيناتنا قلتلو الله يعوض عليك ....
ضبيت اغراضي و رجعت لبيت اهلي وبلش قاسم باوراق الطلاقو انا مقتنعة بانو هيدا القرار الصح يلي كنت لازم اعمله من زمان بس ابوي هو يلي كان واقف بطريقي.....
بعد شهر كنت واقفة انا و ميس بالجامعة اجت صبية حلوة بتدرس ارشاد نفسي كمان سلمت على ميس و حكت معها شوي و راحت قلتلي ميس بتعرفي مين هاي ؟قلتلها لا قلتلي هاي خطيبة طليقك قاسم المستقبلية قلتلها شوووو قاسم خطب شو عرفك؟؟؟ قلتلي هاي بنت جيرانا اجو اهلو طلبوها من يومين و هي وافقت بس ناطرين لتخلص معاملة طلاقك منه حسيت حالي رح اوقع بالارض و نار شعلت فيني قلتلها لميس انا راجعة عالبيت كرمال عبودة و رجعت عالبيت فورا و انا مخنوقة و اول ما فتحتلي الباب امي بلشت ابكي قلتلي شبك ؟؟!قلتلها قاسم قلتلي شبو ؟؟قلتلها خطب😢و بدو يتزوج قلتلي ايه طبعا بدو يتزوج بعدك شو بدو يعيش على ذكراكي و بعدين انت شو بدك فيه ؟مو قلتي ما بتحبيه قلتلها ما بعرف وقت سمعت هالخبر و مدري شو صرلي جسمي عم يرجف و حاسة راسي رح ينفجر امي ليش هيك صار معي؟قلتلي لا اله الا الله هاي نار الغيرة يعني ما كنت عارفة حالك بتحبيه قلتلها لا فكرت حالي ما بحبه لانو انغصبت عليه و ضلت الفكرة براسي اني مغصوبة عليه و هلا قليلي شو بدي اعمل ؟!!مستحيل خليه يتزوج ما بتخيله ابدا مع وحدة تانية قلتلي هادا شغل حماتك بدها تزوجه فورا و تجاكرك ...
دقيت لميس فورا و قلتلها مري لعندي ضروري و وقت اجت قلتلها بدي تخربيلي خطبته لقاسم على بنت جيرانكن قلتلي ليش ؟قلتلها بدي ارجعله ما عرفت حالي بحبه الا بعد ما سمعت انو خطب و بدو يتزوج قلتلي و انا شو بدي اعمل ؟ قلتلها روحي لبنت جيرانكن و قليلها مرته حامل بالشهر التاني و انا رح حكي قاسم و قلو هيك.....
دقيت لقاسم و قلتلو بدي شوفك ضروري تعا لعنا قلي المسا بمر و وقت اجا قلتلو انا طلعت حامل فتح تمه و قلي شووو كيف ؟قلتله ايه حامل باول الشهر التاني قلي شو يعني هالحكي ؟قلتلو وقف شغل بمعاملة الطلاق انا ما بدي اتطلق قلي لا ما رح وقفن لانو حبلك ما مبرر نحن طلقنا بناءا على رغبتك و انك ما بتحبيني انا بلشت ابكي و اعتذر منه و قلتله انو انا ما كنت عارفة حالي بحبك و ندمت اني طلبت الطلاق و تركت بيتي خلينا نرجع و نبلش صفحة جديدة....
بعد عشرة ايام رجعت لبيتي و خبرته لقاسم اني كذبت عليه بخبر حملي حتى يرجعلي بس بعد شهر من رجعتي اله طلعت حامل و جبت بنت و سميتها سناء مع انو حماتي كان بدا اياني سميها فتحية على اسمها بس ما رديت عليها و كملت حياتي مبسوطة مع قاسم يلي ما كنت اتخيل حالي انو حبه ابدا.
انتهت.